აყევი ჯანსაღი ცხოვრების რიტმს!




Magicreche. Responsive site theme for Creche, Playschool, Preschool and Montessori.

მისია და ხედვა


მისია

ჩვენი მისიაა უმაღლესი ხარისხის მომსახურების უზრუნველყოფით ხელი შევუწყოთ მოსახლეობაში ჯანსაღი ცხოვრების კულტურის დანერგვას, ავამაღლოთ მოსახლეობის ცნობიერება აღნიშნული მიმართულებით და მოვახდინოთ ჯანსაღი ცხოვრების წესის პოპულარიზაცია.
კომფორტულ და ჯანსაღ გარემოში წყლის სხვადსხვა სპორტული აქტივობების მეშვეობით ვუზრუნველყოთ თბილისის მოსახელეობა ფიზიკური და გონებრივი კეთილდღეობის გაუმჯობესებით.



ხედვა

ჩვენ გვჯერა, რომ ჯანმრთელობა შეუფასებელი სიმდიდრე და ადამიანის სიცოცხლის ხარისხის განმსაზღვრელი უმნიშვნელოვანესი ფაქტორია. ჯანმრთელი ცხოვრება გულისხმობს ადამიანის არამხოლოდ ფიზიკურ, არამედ ასევე მენტალურ, ემოციურ, ინტელეტუალურ, სოციალურ და სულიერ კეთილდღეობას.
ჩვენი მიზანია ჯანსაღი ცხოვრების წესის დამკვიდრებით წვლილი შევიტანოთ საზოგადოების კეთილდღეობაში, რადგან მოსახლეობის ჯანმრთელობა უმნიშვნელოვანესი ეროვნული ღირებულება და ქვეყნის განვითარების ფუნდამენტური წინაპირობაა.

ინსტრუქტორები


გამომდინარე იქედან, რომ საცურაო კომპლექსი ნემო მუდამ ორიენტირებულია მომხმარებელთა ინტერესებსა და მომსახურების უმაღლესი ხარისხის უზრუნველყოფაზე, ჩვენი გუნდი დაკომპლექტებულია მაღალკვალიფიციური მწვრთნელებით, რომლებიც უდიდესი ენთუზიაზმითა და პროფესიონალიზმით ახორციელებენ საქმიანობას.

 

გიორგი ვეფხვაძე

დაიბადა 1985 წლის 13 მარტს, ქალაქ თბილისში. 1998-2004 წლებში ირიცხებოდა საქართველოს ცურვის ნაკრებ გუნდში. 2005-2008 წლებში გავლილი აქვს სპეციალური კურსი და მიღებული აქვს ეროვნული ნაკრების მთავარი მწვრთნელის თანაშემწის კვალიფიკაცია. 2010 წელს გაიარა მსოფლიო ოლიმპიური კომიტეტის სამწვრთნელო კვალიფიკაციის კურსები. 2012 წლიდან მუშაობს საცურაო კომპლექს ნემოში მწვრთნელად.

ვრცლად...   

მარინა ლომიძე-მაჭარაძე

დაიბადა ქალაქ თბილისში 1962 წლის 17 ივლისს. 1975წ. ჩაირიცხა საქართველოს ნაკრებში. 1980წ. მიენიჭა სპორტის ოსტატის წოდება. 1979-1983წწ. სწავლობდა სპორტის აკადემიაში, რომელიც დაამთავრა წითელ დიპლომზე. 1983წ. დაიწყო მუშაობა სპორტ-კომპლექს „ლაგუნა-ვერე“-ზე სადაც იმუშავა 32 წელი. იყო დირექტორის მოადგილე და თან ითავსებდა სასწავლო ნაწილის უფროსის მოვალეობას. ქალბატონ მარინას გაზრდილი ყავს საქართველოს არაერთი ჩემპიონი ცურვაში.

ვრცლად...   

ბელა თევზაძე

დაიბადა ქალაქ თბილისში, 1970 წლის 2 მარტს. 1987 წელს დაამთავრა ფიზიკური კულტურის ინსტიტუტი მწვრთნელის სპეციალობით, ასევე მეორადი სამკურნალო ფაკულტეტი. ქალბატონი ბელა გახლავთ სპორტის ოსტატი მხატვრულ ტანვარჯიშში ამავდროულად საქართველოს 5 გზის ჩემპიონი. წლების განმავლობაში იგი მუშაობდა სხვადასხვა სპორტულ კომპლექსებში ფიტნესის ინსტრუქტორად. 2012 წლიდან მუშაობს საცურაო კომპლექს ნემოში აკვა-აერობიკის ინსტრუქტორად.

ვრცლად...   

ანა სალნიკოვა

დაიბადა 1987 წლის 11 იანვარს. ანა გახლავთ მრავალი ჩემპიონატის მონაწილე და პრიზიორი, კერძოდ: საქართველოს მრავალგზის ჩემპიონი, შავი ზღვის პირეტის ჩემპიონატის პრიზიორი, მუსულმანური ქვეყნების ჩემპიონატის პრიზიორი, აზერბაიჯანის მრავალგზის ჩემპიონი, ამიერკავკასიის პრიზიორი, მოსკოვის და ესპანეთის ბავშვთა ოლიმპიადის მონაწილე, 2007 წლის ავსტრალიის მსოფლიო ჩემპიონატის მონაწილე, 2008 წლის პეკინის ოლიმპიადის მონაწილე. 2012 წლიდან ანა მუშაობს საცურაო კომპლექს ნემოში მწვრთნელად.

ვრცლად...   


ინფრასტრუქტურა


საცურაო აუზი ნემო გაიხსნა 2012 წელს ბრიტანული ცენტრის ახლადაშენებულ სკოლის შენობაში. საცურაო კომპლექსის ინფრასტრუქტურა შეესაბამება 21-ე საუკუნის საერთაშორისო სტანდარტებს.

ტერიტორიაზე ფუნქციონირებს სხვადასხვა ასაკობრივ ჯგუფზე გათვლილი ორი საცურაო აუზი ზომებით: 17×10×1.70 ტემპერატურა 25/26°C; 3×10×0.80 ტემპერატურა 28/29°C.

საცურაო აუზებში წყლის მოვლა და ტერიტორიის დასუფთავება მიმდინარეობს საერთაშორისო სანიტარული და ჰიგიენური ნორმების სრული დაცვით.

საცურაო კომპლექსში ასევე განთვასებულია: დიდი მოსაცდელი დარბაზი, სადაც მშობლებს საშუალება აქვთ თვალი ადევნონ ბავშვებს სპეციალური მონიტორის მეშვეობით; ყველა საჭირო ინვენტარით აღჭურვილი გასახდელი ოთახები და საშხაპეები.



პროგრამები



ცურვის სწავლების საბავშვო კურსები ფუნქციონირებს ბავშვებისთვის 4 წლის ასაკიდან. პროგრამის ფარგლებში ბავშვები დაეუფლებიან ცურვის სხვადასხვა სახეობებს.

ჯგუფური მეცადინეობები მიმდინარეობს კვირის დღეებში 17:00 საათიდან 23:00 საათამდე, შაბათს 10:00- დან 22:00 საათამდე, კვირას 10:00-დან 20:00 საათამდე.

ჯგუფები შედგება მაქსიმუმ 10 ბავშვისაგან.

ასევე ფუნქციონირებს ინდივიდუალური სწავლების კურსები.


უფროსებისთვის მოქმედებს, როგორც თავისუფალი დასწრების პირობები, ასევე ცურვის სწავლების კურსები, სადაც მაღალკვალიფიციური მწვრთნელები ასწავლიან ცურვის სხვადასხვა სახეობებს.

ჯგუფური მეცადინეობები მიმდინარეობს კვირის დღეებში 17:00 საათიდან 23:00 საათამდე, შაბათს 10:00- დან 22:00 საათამდე, კვირას 10:00-დან 20:00 საათამდე.

ჯგუფები შედგება მაქსიმუმ 10 ადამიანისგან.

ასევე ფუნქციონირებს ინდივიდუალური სწავლების კურსები.


ჰიდროთერაპიის კურსები მიმდინარეობს ბავშვებისა და მოზარდებისთვის, როგორც ჯგუფური, ასევე ინდივიდუალური ვარჯიშების ფორმით

ჰიდროთერაპიის აღნიშნული კურსი განკუთვნილია საყრდენ-მამოძრავებელი აპარატის ისეთი დარღვევების სამკურნალოდ როგორიცაა: სქოლიოზი, პლექსიტი, ბრტყელტერფიანობა და სხვა.

ფ ა ს ე ბ ი

ცურვა
ბავშვებისთვის		 ცურვა
უფროსებისთვის		 ჰიდროთერაპია ინდივიდუალური
სწავლება
12 ვიზიტი 130 ლარი 130 ლარი 150 ლარი 250 ლარი
8 ვიზიტი 100 ლარი 100 ლარი 120 ლარი 200 ლარი
8 ვიზიტი
მხოლოდ შაბათ-კვირის		 100 ლარი 100 ლარი 120 ლარი 200 ლარი
20 ვიზიტი
*შაბათ-კვირის გარდა		 200 ლარი 200 ლარი
20 ვიზიტი
*შაბათ-კვირის ჩათვლით		 250 ლარი 250 ლარი
1 ვიზიტი 15 ლარი 15 ლარი
მწვრთნელის მომსახურება +20 ლარი

პირობები


  • რეგისტრაცია

    იმისათვის, რომ მომხმარებელი დაიშვას საუცრაო აუზზე საჭიროა:
    • წარადგინოთ ჯანმრთელობის ცნობა (ფორმა N100)
    • წარადგინოთ პირადობის დამადასტურებელი დოკუმენტი
    • გააფორმოთ ხელშეკრულება
    • წინასწარ აანაზღაუროთ მომსახურების ღირებულება

  • გრაფიკი

  • გრაფიკის შეცვლა

  • ქცევის რეგულაციები

  • ჯგუფები

  • მომხმარებლის მონაცემები

  • დასვენების დღეები

  • საჩივრები

  • პასუხისმგებლობა

  • ფორს მაჟორი

კონტაქტი